မြေရုပ်စစ်တပ်
ရှီးအန်းပြတိုက်တွင် ပြသထားသည့် စစ်သားရုပ်များ
မြေရုပ်စစ်တပ်သည် (兵馬俑) တရုတ်ပြည် ပထမဆုံး ဧကရာဇ် ချင်ရှီဟွမ်၏ အုပ်ဂူတွင် ၎င်းနှင့်အတူ မြှုပ်နှံထားသည့် မြေထည် စစ်သားရုပ်များ၊ မြင်းရုပ်များ ဖြစ်သည်။ ဘီစီ ၂၁၀ ခုနှစ်ခန့်တွင် ထုလုပ်ထားသည့် ယင်းမြေထည် ရုပ်တုများအား တရုတ်နိုင်ငံ ရှီးအန်းမြို့အနီး၌ နေထိုင်သည့် လယ်သမားတစ်ဦးက ၁၉၇၅ ခုနှစ်တွင် တွေ့ရှိခဲ့သည်။ စစ်သားရုပ်များသည် ယင်းတို့၏ ရာထူးအလိုက် ၆ ပေမှ ၆ ပေ ၅ လက်မအထိ မြင့်သည်။ အမြင့်ဆုံးအရုပ်များမှာ စစ်သူကြီးများဖြစ်သည်။ ယင်းရုပ်တုများတွင် စစ်သားများ၊ မြင်းများ၊ စစ်ရထားများ၊ မူးကြီးမတ်ရာများ၊ ဂီတပညာရှင်များ၊ ဆပ်ကသမားများ ပါဝင်ကြသည်။ လက်ရှိ တွင်းကြီး ၃ တွင်းတွင် မြေထည် စစ်သား ရုပ်ပေါင်း ၈၀၀၀၊ စစ်ရထား ၁၃၀ စင်း၊ မြင်း ၅၂၀ ကောင်၊ သံချပ်ဝတ်မြင်း ၁၅၀ ကောင်ခန့် ရှိသည်။
ဝီကီပီဒိယ မြန်မာဘာသာ စာမျက်နှာမှ
Comments
Post a Comment